Герман, Австри, Швейцарь улсын их, дээд сургууль, коллежийн сургалт үнэ төлбөргүй байдаг билээ. Гёте сургуулийн онцлог, давуу тал нь бид сурагчдаа тусгайлан бэлтгэж, ХБНГУ-ын Гадаад дахь ерөнхий боловсролын асуудал эрхэлсэн газрын “Герман хэлний Диплом №1, №2 (DSD-I, II)”-ын шалгалтад оруулж, амжилттай давсан төгсөгчид герман хэлний шалгалтгүйгээр дээрх орны их, дээд сургууль, коллежид элсэн орж, хүссэн мэргэжлээрээ сурах боломжтой болдог юм.  Бид хамгийн чанартай боловсрол олгохыг эрхэм зорилгоо болгодог бөгөөд үр дүн нь ч гарч байна. Германы Засгийн газраас “DAAD” хөтөлбөрийнхөө хүрээнд жил бүр дэлхийн 140 орноос 80 сурагч шалгаруулан авч өөрийн их, дээд сургуульдаа үнэгүй сургаж, байр хоолны зардал болон стипенди өгдөг уламжлалтай. “Сурагчдын дэлхийн олимпиад” гэж болох энэ шалгалтад манай төгсөгчид өрсөлддөг бөгөөд одоогоор 11 сурагч шалгарч, ХБНГУ-ын их, дээд сургуульд суралцаж байна. Улаанбаатар хот, дүүргийн олимпиадад математик, монгол хэл, хими зэрэг хичээлээр байнга шалгарч, медаль хүртдэг юм. Сургалтыг чанарын өндөр түвшинд явуулахын тулд нэг ангид 25 илүү хүүхэд элсүүлэн сургадаггүй.Герман, англи хэлний гүнзгийрүүлсэн сургалттай “Гёте” сургуулийг  2002 онд үүсгэн байгуулсан бөгөөд эрдэмтэн багш нар, амжилт бүтээл, алдар нэрээ дуурсгаж яваа үе үеийн төгсөгчид, сурагчид, ажилтан, албан хаагчид, эцэг эхчүүд маань бидний амжилтын эзэд билээ. Бидний энэ амжилт багш хүний шургуу зүтгэл, эцэг эхийн дэмжлэг, хамтын ажиллагаа, сурагчдын маань сурч хөгжих тууштай эрмэлзлэлтэй салшгүй холбоотой юм. Та бүхний эрдмийн их аян тань дардан байж, амьдрлаа хийж бүтээсэн их үйлсээр чимж явахыг хүсэн ерөөе!Хүндэтгэсэн: Захирал П.Хажидмаа